CEMV

Está previsto que asistan a estas 6 funcións de teatro en inglés especialmente deseñada para o seu uso didáctico, 1800 escolares vigueses de 1º a 6º de educación primaria de 31 centros de ensino da nosa cidade.

Coa implementación de “Vigo Activities 2010-2011”, o Servizo de Educación continúa as actividades dirixidas a fomentar a capacitación óptima e satisfactoria do
alumnado en lingoa inglesa que propicie situacións de comunicación lúdicas próximas á realidade do alumnado; e para elo estas propostas teatrais contan cun elaborado material didáctico que serve a profesorado e alumnado para tirar o máximo rendemento educativo desta iniciativa.

Máis información no enlace da páxina web municipal http://hoxe.vigo.org/movemonos/educacion_pili.php?lang=gal#Vigoactivities

Empezou as súas actividades no curso 1988-1989, inicialmente con encontros de técnicos/as representantes de áreas do Ajuntament de Barcelona, que ofrecían actividades á comunidade escolar da cidade,e foi reciñecido institucionalemente mediante o Decreto de Alcaldía do 26 de febreiro de 1991.
Este Consello creouse coa vontade do Concello de Barcelona de coordinar as entidades e institucións cidadás que ofrecer actividades educativas ás escolas, co fin de optimizar a cidade como axente educativo e ampliar as posibilidades que os nenos e nenas teñen de aprender dela. Desde a data da súa creación, o número de entidades deste Consello coa incorporación de institucións públicas, fundacións, padroados, Ong´s e empresas, e o de actividades ofrecidas por elas foron aumentando constantemente.

http://www.bcn.cat/imeb/ccp/cast/que_es.html

Imaxinades algo así para Vigo? Pois, mans á obra e ánimo!

• Aprobouse a Memoria Anual de Actividades 2009-2010, e os Plans de Traballo das dúas Comisións existentes.
• A Memoria Anual recolle de xeito pormenorizado toda a información sobre o proceso constitutivo e inicio da actividade desta nova etapa do órgano de participación da comunidade educativa en Vigo, dende o mes de maio de 2010.
• O Plan de traballo da Comisión Pedagóxica e de Innovación Educativa centra os seus esforzos na mellora da convivencia escolar, a través dunha análise exhaustiva dos programas existentes para abordar tres temáticas: absentismo escolar, inclusión social e cidadanía, para suxerir un Plan de Convivencia Escolar Municipal 2011-2012. Propoñen tamén un Concurso de Boas Prácticas en Convivencia Escolar, para que os centros educativos poidan dar a coñecer os proxectos que están levando a cabo, a través da web do CEMV (cemv.vigo.org).
• A Comisión de Equipamentos e de Planificación Educativa,  consciente da inadecuación da actual zonificación escolar de Vigo, que provoca grandes distorsións no proceso de escolarización, insiste na necesidade de realizar o Mapa Escolar de Vigo, adecuándoo ás necesidades socioeducativas actuais. Asemade, recolle a necesidade de planificación e mellora das infraestruturas dos centros escolares da cidade, mediante a actualización continuada do diagnóstico sobre o seu estado físico e a planificación das intervencións. No Plan de Traballo desta Comisión faise tamén especial referencia ao tratamento da problemática derivada dos comedores escolares e as instalacións deportivas dos centros de ensino públicos. A Comisión traballará asemade en conquerir da administración pública a solución axeitada a problemas urxentes de escolarización, como o caso do Colexio Altamar e outros que precisan dunha rápida actuación para mellorar as condicións nas que se atopan escolarizado o alumnado.
• Por outra banda, o CEMV aprobou por unanimidade a proposta presentada polo conselleiro que representa ás ensinanzas artísticas, para que se respalde o Proxecto de Escolas Municipais de Música e Artes Escénicas (EMMA), que vén a significar a constitución organizativa e física dun único espazo de xestión e desenvolvemento de actividades das  escolas municipais de Música, Música Tradicional e Folk (E-trad), Teatro e Danza. Proponse explicitamente a utilización, tras a execución do proxecto arquitectónico elaborado polo Concello de Vigo, da estructura edificada ao carón do Colexio Público “Doutor Fléming” actualmente sen uso.
• Respecto do punto sobre a situación actual da nova construción do Ceip Altamar, e do comedor do Ceip Illas Cíes, expúxose unha relación de escritos e respostas intercambiados entre a administración local e a administración autonómica, na que quedou constatados os diferentes criterios e argumentos que provocan  a falta de acordos explícitos para dar axeitada resposta a estas necesidades educativas. A conclusión á que se chegou no CEMV é que se deben facer todos os esforzos precisos no exercizo das competencias das administracións para a procura dunha pronta solución.

A próxima xuntanza do Pleno estímase para principios do ano que vén.