Categorías
Autor: admin
Nun momento do Pleno, que durou 3 horas.
Rafael Ojea, secretario do Cemv, tomando notas para a acta.
Outro momento do Pleno.
As obras abarcan unha ampla variedade de estilos e disciplinas artísticas: desde obra pictórica, ata cerámica, pasando por banda deseñada, collage ou figuras tridimensionais. Os comisarios da exposición, Federico Fernández e Miguel Vázquez, destacaron que esta mostra, aberta non só ao alumnado da Escola Municipal de Artes e Oficios, senón tamén ao público en xeral, pretende “elevar a ilustración infantil, unha modalidade que nos últimos anos acadou unha notable importancia, á categoría de ARTE en letras maiúsculas”.
O Espazo EMAO abre as súas portas de martes a sábados entre as 19:00 e as 21:00 horas para compartir estes traballos artísticos. Dende o pasado mes de xaneiro, a sala de exposicións da Escola Municipal de Artes e Oficios é un lugar aberto a toda a cidadanía viguesa para a difusión da cultura e da creación, en forma de coidadas obras artesás e artísticas. A oferta expositiva do Espazo EMAO complementa a faceta académica e formativa desta Escola centenaria, na que se se imparten clases de artesanía do coiro, encaixe de palillos, moda e confección, ourivaría, pintura, debuxo, volume e modelado, escultura e talla en madeira, cerámica artística, encadernación, serigrafía, clases de construcción de zanfona, gaita e luthería antiga.
Coa colaboración de Espazo EMAO
Máis info:
Categorías
II Xornadas de Teatro Escolar
Ao longo do periodo no que se organizan estas II XORNADAS DE TEATRO ESCOLAR, o Servizo de Educación do Concello de Vigo, pon ao alcance dos centros educativos participantes, un servizo de apoio e seguimento que garante todo tipo de consultas e intercambios de información sobre este encontro teatral, que é dinamizado polo claustro de profesores/as da Escola Municipal de Teatro de Vigo.
A diferenza doutras iniciativas como mostras ou concursos de teatro escolar, esta programación didáctico-teatral favorece e supón un reforzo tanto do proceso de traballo creativo cotiá do profesorado e alumnado nos centros escolares como da plasmación final por parte dos escolares en formato obra de teatro.
Coa continuación por segundo ano consecutivo destas xornadas, preténdese recoñecer o labor creativo que se está a desenvolver nos centros de ensino, ademáis de tender pontes de froitífera colaboración entre os contornos escolares e o teatro profesional.
Documentación que se pode descargar:
“Campaña de Animación á Lectura – CONTARTE 2011” en cifras:
- 34 centros de ensino participantes e 2.500 escolares de educación primaria (6-12 anos).
- 132 sesións dos obradoiros plástico-literarios “Paxariños de la e follas secas!” e “Historias de cartón”.
- Achega e dinamización de 544 libros en 34 lotes bibliográficos ás bibliotecas escolares.
- Conferencia inaugural “Qontextos: a realidade no álbun ilustrado” o mércores 23 de marzo ás 19,30 hs no Salón de Actos do IME (asistencia gratuíta e aberta ata completar aforo).
- Exposición permanente no IME “Qontextos: a creatividade infantil no conflito bélico” dende o 24 de marzo ao 29 de abril.
Máis información no sitio web municipal en http://hoxe.vigo.org/movemonos/educacion_lectura.php?lang=gal
Estes equipamentos municipais pretenden ofrecer á cidadanía un servizo educativo para a primeira infancia desde unha dobre vertente:
- educativa, entendida como unha prestación que nace do dereito do/a neno/a á educación nun ambiente axeitado ás súas necesidades. Esta función educativa é complementaria á educación recibida no seo do propio ambiente familiar.
- asistencial, xa que ao mesmo tempo pretende ofrecer un servizo de carácter social ás familias traballadoras do municipio, mediante horarios que permitan a correcta conciliación da vida familiar e laboral.
Son obxectivos específicos da EIM:
- proporcionar ás/os nenas/os unha atención integral sen distinción de raza, nacionalidade, sexo, relixión, lingua ou condición social
- fomentar a educación baseada nos principios e valores de tolerancia, solidariedade, igualdade, coeducación, cooperación e respecto aos demais e ao contorno
- facilitar a integración progresiva dos/as nenos/as na súa cultura e no seu medio
- prestar especial atención á diversidade dos/as nenos/as, respetanto as diferenzas físicas, intelectuais ou culturais que existen entre eles/as facilitando a súa integración
- servir de reforzo e apoio ás familias traballadoras da cidade co fin de colaborar na conciliación da vida laboral e familiar.
Os requisitos específicos para ser adxudicatario/a de praza nas EIM son os seguintes:
- que a/o nenas/o teña a súa residencia en Vigo e teña nacido no momento de presentar a solicitude
- ter unha idade mínima de tres meses na data de ingreso e non ter cumpridos 3 anos o 31 de decembro de 2011
As escolas teñen un horario contínuo de 07'30 h. ás 20'00 horas. E ao longo do mesmo, os/as nenos/as permanecerán un mínimo de 4 horas. e un máximo de 8 horas.
As/os interesadas/os poderán solicitar praza a través do formulario normalizado de solicitude que poder ser recollido no Servizo Municipal de Educación, nas propias EIM ou ser descargado na páxina web municipal:
O Servizo de Educación do Concello de Vigo formula no marco do Programa Educativo Municipal "Aulas Internacionales", unha nova edición da iniciativa didáctica "Vigo Activities 2010-2011" coa finalidade de ofertar aos centros de educación primaria da nosa cidade distintas propostas de actividades que intentan contribuír á mellora da competencia da lingua inglesa.
Estas actuacións didácticas de aplicación no marco do horario lectivo escolar e dinamizadas por persoal nativo e bilingüe, están deseñadas coa clara intencionalidade de propiciar no alumnado un contacto gratificante coa lingua inglesa e a creación dun verdadeiro contexto de inmersión lingüística, para mellorar os seus hábitos e técnicas de comunicación oral, ademais de facilitar o labor do profesorado por implicar un factor extra de motivación no alumnado para a aprendizaxe desta lingua.
Máis información en:
A Xunta de Goberno Local, na súa sesión ordinaria do 25 de Febreiro de 2011, aprobou as “Bases e Convocatoria para a adxudicación de prazas para a participación no Programa de Inmersión en Lingua Inglesa (PILIVIGO 2011)". Logo dos positivos resultados acadados polo Programa de Inmersión en Lingua Inglesa PILIVIGO nas anteriores edicións, esta iniciativa didáctica tentará seguir promovendo a mellora da capacitación en lingua inglesa, dentro do marco do programa educativo municipal "Aulas Internacionais".
Dito programa, destinado a alumnado de 3º de ESO de centros educativos sostidos con fondos públicos de Vigo, contará cun máximo de 290 prazas para realizar estadías de tres semanas en Irlanda ou o Reino Unido en réxime de inmersión lingüística. As viaxes teñen previsto comenzar na primeira quincena de setembro, de xeito que poidan empezar o curso escolar nos centros británicos, e a estadía rematará como moi tarde na primeira semana de outubro.
As prazas inclúen o importe da matrícula no programa lectivo e o material necesario para completalo, así como os custos de aloxamento en familias anfitrioas en réxime de pensión completa, gastos derivados da organización de actividades extraescolares e lecer e visitas didácticas a centros de interese do país de acollida (que desenvolveranse en inglés e guiadas por monitorado bilingüe), importe das viaxes de ida de volta, transporte urbano ata o centro de ensino de integración asignado, e seguros de viaxe e responsabilidade,
As persoas interesadas poden consultar as referidas bases na páxina web do programa PILI (http://www.pilivigo.org), onde disporán da información necesaria para a presentación da solicitude de participación. A documentación para a tramitación de solicitudes deberá presentarse no Rexistro Xeral do Concello de Vigo, ben directamente, ben polos procedementos legalmente establecidos. O prazo de presentación de solicitudes será desde o día 14 de marzo ata o 06 de abril, ambos inclusive.