Categorías
Xornadas de portas abertas nos centros educativos públicos de Vigo
Os centros de ensino público de Vigo ofrecen durante o mes de marzo unhas Xornadas de Portas Abertas coa finalidade de que todas as persoas interesadas poidan coñecer as características e o funcionamento destes centros educativos.
As xornadas serán previsiblemente os días 6, 7 e 8 de marzo de 2012 nos horarios sinalados a continuación:
Día 6: de 9:30 a 13:30 h e de 16:00 a 18:00 horas.
Días 7 e 8: de 9:30 a 13:30 horas.
Cómpre confirmar previamente con cada centro de ensino, de xeito particular, as datas concretas nas que se desenvolverán as Xornadas de Portas Abertas. Nestes días as persoas que se acheguen ao centro recibirán información sobre o funcionamento, as instalacións, as actividades que se realizan ou calquera outra de interese. Nalgúns centros proxectaranse vídeos. As persoas que queiran coñecer un determinado centro e non poidan acudir nesas datas poden poñerse en contacto coa dirección para solicitar outro día.